លទ្ធផលក្រៅផ្លូវការ៖ ខេត្តព្រះសីហនុ គណបក្សប្រជាជនកម្ពុជា ទទួលបានសំឡេងច្រើនលើស ដោយគ្រប់គ្រង ៣/៣អាសនៈ
ព្រះសីហនុ៖ អាជ្ញាធរខេត្តព្រះសីហនុបានឲ្យដឹងថា នៅខេត្តព្រះសីហនុ គណបក្សប្រជាជនកម្ពុជា ទទួលបានសំឡេងច្រើនលើសលុប ដោយអាចនឹងគ្រប់គ្រងបានទាំង ៣/៣អាសនៈតែម្តង។
នាថ្ងៃទី២៣ ខែកក្កដា ឆ្នាំ២០២៣ ប្រជាពលរដ្ឋប្រមាណជាង៨៤ភាគរយបានទៅបោះឆ្នោត ក្នុងចំណោម ប្រជាពលរដ្ឋដែលមានឈ្មោះក្នុងបញ្ជីបោះឆ្នោត ខណៈមណ្ឌលការិយាល័យបោះឆ្នោតទូទាំងខេត្តមានចំនួន ៣២៦ ការិយាល័យ និងមានប្រជាពលរដ្ឋមានបញ្ជីឈ្មោះបោះឆ្នោតសរុបចំនួន ១ ៤៩៨ ០៧នាក់។
ដោយឡែកបញ្ហាសន្តិសុខសណ្ដាប់ធ្នាប់របៀបរៀបរយនៃការបោះឆ្នោតនៅគ្រប់មណ្ឌលទូទាំងក្រុងស្រុកនៃខេត្តព្រះសីហនុបានប្រព្រឹត្តទៅដោយរលូនមិនមានបាតុភាពតវ៉ាអំពើហិង្សានៅក្នុងមណ្ឌលបោះឆ្នោតនោះឡើយ។ បើទោះជាបញ្ហាអាកាសធាតុមានភ្លៀងធ្លាក់ស្ទើរគ្រប់កន្លែងតែនៅតែមានប្រជាពលរដ្ឋទៅចូលរួមបោះឆ្នោត៕
